大匠夫 x Bosch 摺疊式多功能工作檯 PWB 600

自從疫情開始,大家匿埋係屋企搵左多世藝，多左唔好朋友會係屋企玩下diy，做下小木工，皮革、整下模型燈牌、甚至砌下傢私，但通常都會遇到一個問題，就係屋企無好地方，香港呎金吋土，唔似外國咁易有個車房或者花園甚至工作室，結果好多人就選擇係自己張書檯一邊睇邊片一邊整，但問題就係書檯通常已經好多野, 又鍵盤又電腦又書又文具等等，其實就無太多位置, 仲要怕整花張檯，如果做大件傢私或木工就更麻煩，經常就要在飯檯或木櫈到借力，但落唔到Ｇ夾勁危險之餘，更重要工具東一件西一件，唔單止事倍功半，仲要咩DIY樂趣都無晒。

因應需求，其實唔少廠方都有推出唔同既工作檯，好多朋友會覺得工作檯其實都好大件，或者未係真係咁好用，咁今日介紹呢一張,又睇下大家岩唔岩洗，佢就係Bosch 既摺疊式多功能工作檯 PWB 600喇！

九厘米闊度 極易收藏

買工具檯首要條件，就係張檯係屋企要有位放，而呢張PWB600摺起左之後只係闊9cm，

變相好多櫃邊或者雪櫃邊邊或者門後面其實都已經放得落，甚至放落車尾箱帶出去戶外用都綽綽有餘。高度同大細方面，高度83.4cm 比起一般書檯高身少少，方便大家坐係到或者部企係到做都得，而長寬都係68cm，正方形大小適中，唔阻地方又相當夠用。

鋁質架構極度穩固 竹料檯面防風防水

Bosch PWB-600用到鋁質架構，雖然變相重左少少有11KG，但係就非常穩陣， 做到承重可以高達200KG，仲有好重要既就係佢既檯面質料 ，一般市面大部份都係膠，PWB-600檯你就咁睇相或未見到實物，都以為係木，其實檯面係係少用既竹料黎，竹比起木唔單止吸濕吸熱能力都比木好，而且防風防水，所以戶外都岩用，竹亦都比起木更加堅實同埋唔易變形，更加唔會有蟲蛀既問題添！

廿六個窿位 任意變化 適用所有形狀工件

Bosch PWB-600免卻加裝F夾G夾問題，檯中間有兩邊分別有Ｖ型坑，方便你地可以夾實圓管型或者長方條物件，除左打橫，連打直夾都得，檯中間亦有量度呎方便畫線，另外檯附送的四個爪能夠隨意應用在檯上面26個窿，能夠夾實唔同形狀既工件佢，不論是圓又得或多邊形都可，爪一邊係V形坑，另一邊係斜面，除左可以應用唔同斜面既工件之外，仲方便大家如果平面打磨時，唔怕被個爪阻住或者因為個爪整傷部機等等。

附件收納 安全又方便

更貼心就係檯下包括櫃筒，大家做野成日換工具，但東一件西一件成日係到搵，更怕有時好似鑽咀、螺批會碌走左，櫃筒能夠清楚收納，唔阻地方又安全，相當抵讚。

總結一下呢張鋁質結構同埋竹面工作檯，比較需要考慮到重量之外，應用上相當人性化同埋方便，收納上放屋企唔阻地方，加上竹檯面防水所以大家都可以放埋上車去露營野餐時用埋，有興趣既記得上我地大匠夫網站睇下啦！我地係Bosch 博世官方特許經銷商！質素保證！