其實過去幾年，疫情lock down關係，其實好多木油都無辦法運到香港，特別係Watco 呢一款美國出產既，幾乎變成絕版貨，經過一年而家慢慢開始穩定返，Watco唔同種類既油又再返黎

即刻出現一個問題，到底大家又會揀邊種油呢？所以我地即刻自救，watco護木油點揀好？！

木油分為oil 及layer≠螺絲

先用二分法,Watco danish oil (三款色),tung oil,teak oil, exterior oil 全部都係油, 而santin wax係屬於LAYER 類, 其實佢就唔應該咁孤獨既, 理應仲有WIPE-ON-POLY, 可惜未有貨

木油之間的分別

大家都可能好熟既DANISH OIL, 同大家溫故自新, 屬於OIL, 係滲透性非常非常之強,係木材既毛孔入面去做到保護效果, 簡單易用,屬於新手入門最易掌握, 油左之後除左保護之外,木材既手感同埋紋路都會非常之好,而且耐用,特別要講就係, 好多人會問,咁DANISH OIL係咪唔防水呢?

其實就唔係, 但如果你想加強佢既防水力 同埋想有光澤度, 就可以用呢隻santin wax

SANTIN WAX 係鍛面拋光蠟,係WATCO 既木蠟油, 你可以單獨用, 又或者用完DANISH OIL 之後用都得,佢係LAYER,屬於塗層,可以為木材加上額外保護同埋拋光效果, 防水之外,仲可以隱藏到木板上既花痕

懶人之選- tung oil

想要光澤面,又做到滲入既保護效果既, 就可以考慮呢個tung oil, tung oil 屬於懶人版保養, 同樣都係滲入木材做保護,功能上同danish oil 好似, 但係無顏色揀, 不過相對起dnaish oil , 佢就有光澤好多,不論木材有無加工都可以用, 但佢既定期保養時間就短少少, 建議每季或者每半年都要重新上一次油喇

所以如果你想有dnaish oil既保護又有santix wax既光繹感覺, 就可以揀呢款tung　oil, 但保護力同耐久就無danish oil咁耐,要密d咁重新再上。

但如果你好享受呢種diy,你可以按需要揀你喜愛既danish oil 顏色, 再按需要去上santix wax 咁樣保護效果,耐久時間都係最耐, 但當然花費既時間就會更長

特別應用木油—Teak Oil 及Exterior oil

Exterior oil係特別要講, 因為而家好多朋友有露台或者花園, 木器最大敵人除左濕之外,就係太陽光, 好易會曬到裂開,變型或者化白,  所以長期放置室外嘅木傢俬、木圍板圍欄、露台花園嘅木地板要做到保護呢,就要用呢款exterior oil, 佢係滲到去木材非常深處, 關鍵係提升左木既硬度為主要目的，做到防水,防霉,防uv,防刮,防剝落,抵抗因唔同天氣變化而導至既彎曲或者膨脹。

最後仲有teak oil，柚木油, 我們會叫佢為大航空時代既產物，針對防水力同埋防uv, 特別岩用係水上設施用,非常近水既話就要考慮呢個，好似船甲板,護欄,或者廚廁既木櫃等, 亦都為密度高既木材去設計, 如柚木,紅木等等呢類貴價木材特別岩用, 同時佢會增強木材既耐用, 自然色澤。

閱讀更多：